Argitalpenak

2020-2021 denboraldirako izen ematea

Egilea:
Irudia
Dagoeneko Goierri Pilota Eskolako 2020-2021 denboraldirako izen-emate deialdia abian da.
Denboraldi berrirako, Goierri Pilota Eskolako web-blogan daukazue izena emateko aukera, ondorengo inprimakian pilotariaren eta guraso edota tutorearen datuak bete beharko dituzuelarik.
Denboraldia aurtengo urrian hasiko da eta datorren urteko ekainean bukatuko da. Denboraldi osorako kuota 75€-takoa izango da eta irailean, denboraldia hasi aurretik jasoko da.

Pilota eskolaren inguruko informazio zabala daukazue blogan. Baina edozein zalantzatarako gurekin harremanetan jarri zaitezkete pilotagoierri@gmail.com helbidera idatziz.

Izen ematea irailaren amaiera arte irekita egongo den arren, denboraldi berria aurrez prestatzen joateko, eskertuko genuke ahal dela izen ematea uztailaren 15erako egitea. Zalantzatan egonez gero, irailean oraindik aukera izango da.
Zatoz pilota eskolara!


Kargatzen…
Lortu informazio gehiago

Amaitu da 2019-2020 denboraldia

Egilea:
Irudia
Aurtengo denboraldian Goierri Pilota Eskolan Urretxu eta Zumarragako hirurogei bat neska mutilek parte hartu dute kategoria desberdinetan. Bakoitzak bere mailan, txapelketa desberdinetan parte hartu dute Goierriko pilotariek; bertako Gabon Kopa eta Ezkioko txapelketa, Gipuzkoako Federazioak antolatutako herrialde mailako txapelketa desberdinak edota beste herrialde batzuetan jokatutakoak, Sopela, Lizarra, Malerreka edota Baztangoak. 
Udaberrian koronabirusaren eraginez bizi izan dugun egoeragatik, pilota jarduera ere bat-batean geratu behar izan da. Ezin izan da entrenatu eta abian zeuden edota hastekoak ziren hainbat txapelketa ere bertan behera geratu dira. Hala nola, Ezkio, Legazpi eta Zumarragakoak, Gipuzkoako Errendimendu eta Udaberri txapelketak edota Baztan, Leintz-Gatzaga, Zaramaga eta Zizurrekoak.

Egun hauetan, ohiko Urretxuko San Juan Txapelketako final partiduez gozatzen arituko ginateke, baina aurtengoan ezinezkoa izan da. Urtearen barruan beste data batzuetan ospatzeko auk…
Lortu informazio gehiago

...etxean ere PILOTARI

Egilea:
Irudia
Kirol jarduera oro geratuta dagoen itxialdi garaiotan, Goierri pilota eskolako neska mutilok etxeak frontoi bihurtu ditugu eta gehien maite dugunari ekin diogu, pilotari senak ez bait du etenik.
Ondorengo lanarekin irrifar bat eta besarkada bana helarazi nahi dizuegu Ederrenatik etxeraino, ANIMO!!

Aipatu nahi genituzke pilota eskola laguntzen duten merkatari eta lantoki txikiak batez ere; beraiek gabe gure jarduna zailagoa litzateke. Garai korapilatsu hauetan orain arteko babesa itzultzeko unea da. Milesker.






Lortu informazio gehiago

Gipuzkoako Pilota Federazioak proposatutako etxeko ariketak itxialdi garaiotarako

Egilea:
Irudia
Gipuzkoako Pilota Federazioak facebook sare sozialaren bidez itxialdi garai honetan etxean egin daitezkeen entrenamendu proposamen batzu argitaratzen ari ditu eta bestelako jarduera batzu ere, eskuzko pilota nola egin esaterako:

https://www.facebook.com/584109091620696/videos/154314192410208/
https://www.facebook.com/584109091620696/videos/556100955255187/

https://www.facebook.com/584109091620696/videos/576388206303229/


Animatu eta astindu gorputza!!
Lortu informazio gehiago

Entrenamendu saioak eta pilota txapelketak bertan behera.

Egilea:
Irudia
Gaurko egunean Euskal Herriko erakunde desberdinek hezkuntza zein kirol mailan hartutako erabakiak kontutan izanda, hezkuntza zentroen itxiera eta kirol federatu guztien ekitaldi eta entrenamenduak etetea, Goierriko Pilota Eskolak entrenamendu saioak bertan behera uzteko erabakia hartu du.

Era berean hainbat txapelketa bertan behera geratu direnaren jakinarazpena jaso dugu:
Gipuzkoako Pilota Federazioak antolatutako txapelketa guztiak, Baztango Udaberri Txapelketa edota Legazpiko Txapelketa.Azkenik, Urretxuko Udalak Ederrena pilotalekua ixtea erabaki duela jakinarazi nahi dizuegu ere.

Aldaketak zein berri gehiago dauden neurrian jakinarazten joango gara. Ongi izan.


Lortu informazio gehiago